無名劍形勢速遞 – 20170103 之 十日之內有埋伏!

【達人專欄】無名劍

今日中唔中已經唔想講,自己對下個市就知。想好簡單直接咁講,劍仔向好,形勢第二日向上,即表示大市向上,但今日劍勢由尋日第一日轉强後今日轉弱,簡單咁講雖有回調高位未見,條件係21888 要守住。 而今轉升市,劍仔計出黎係不過10日。。。因為後面有埋伏!係咪好吊癮呢!Kakaka!

今日通勝指數向好,但留意係要見低先做,財位兩個 : 21888/21950.

facebook fanpage:https://www.facebook.com/supernonamesword

無名劍形勢速遞 – 20161229 之 通勝全贏啟示錄

【達人專欄】無名劍

無名今日做返好久未做的全日真人show, 結果不錯。其實昨天早市已講過反彈勢快來,結果早市破21500 一點在21488 做近期低位後反彈上21809多日高位,昨晚也講過無名劍通勝指數指宜好不宜太淡,結果今早低開21591, 無名說先看21600 是否可守,守則不淡。結果先回一點在21587做低位後全日反彈,很快就過了無名昨晚說的財位21666, 無名說下一個位先看21740及是否能在10:00前升破,無論是否升破好友都應有所準備,結果升到21742 後在10:00 後回調,無名又說早市可能中或尾段回,結果是1000 後回了一會,無名叫網友留意會否再升穿21740, 其後真的升穿了到11:40左右上新高。其後有所回調,跟無名說的中或尾段回吻合。

午市無名說中或尾段好,結果在14:30 後彈,其後尾市升上高位21810, 跟無名預測吻合,唯一可以說不太對的是升到接近尾市高收在21790, 和高位差20 點。全日預測大概跟無名預測吻合,而通勝指數過去兩天提示向好也算是與市况近似,可以講兩日全贏!

在此無名要解釋一下通勝指數的意思,通勝並非必勝指數,而往績回測結果出來的win rate 並不是非常高,若通勝向好,則用明日高位減今日高位得出來的結果計算贏輸,向淡則相反,在1000 個交易出來結果是平均賺58點,所win rate 並不是很高的原因是統計方法用高位對高位及低位對低位差的做法其實是比較高的要求,因為若下日高位高過今日,即今日無論任何時候call 都是會贏的,所以不是一個容易達到的要求,但在這個嚴格要求下還可以有盈利,所以無名覺得是有用。不過網友要清楚明白通勝指數無論指示向好向淡,都不等如亂買也可贏錢,所以有所謂財位,財位則用來"定向", 作為第二天交易的座標,所以"睇位做人"非常重要,而且通勝指數不代表過夜指數,即與下一天高或低開無太大關系,以今天來說是低開,但後升上21666 再升上高位,參考!

今日的無名劍指數系統有所改善,劍勢指數再升已接近正數,但力度和領先指標向下,即單日可能有回調力,但通勝指數向好,表示見低買上signal, 因為系統指出若明日不破前低位21488, 即明年第一個交易日可能向好!明日財位為21600, 但若然有錯,定必大相反,因為今日的singal 很明顯,若錯的話,代表大市行為大大偏離無名劍指數系統正常範圍,要更小心。

facebook fanpage:https://www.facebook.com/supernonamesword

15726591_585932528267701_2486709483075365400_n

全球有暗湧!

【達人專欄】無名劍

今日好明顯睇到21600 救命位同21800 加力位點解,早市21800 破上少少一陣失守,午市21600 又係破少少一陣又彈,明日係睇21600 生死位守唔守,呢個位對大戶十分重要,因為係佢下一步嘅策略方向。難講佢明日點玩,因為守唔守係佢話事。

只可以講下劍仔點,形勢同劍勢向下多日,表示仍在中線跌勢中,美股,美元,油,同時出現初步回調signal (即係未完全confirm), 但要留意一齊黎料可以好好玩咖喎!

忠告 : 遇雪添衣未係時候,低位在後面,唔企穏21800唔好亂買野。
另外贈送新指數 : 無名通勝指數 + 財位。

通勝指數唔係通殺指數,所以唔係會贏晒,只係好似通勝咁講"宜乜", 財位就係睇住呢個位黎揾財咁解。 用往績計黎計,當你用收市位同時入call 同put 各一注,再用第日高位同低位黎平倉得出一個有profit 同一個loss, 再將兩個加埋出黎係平均有30 點 profit. 參考。

通勝指數 : 宜淡
財位 : 21777
加埋即係在21777 之下宜淡,但唔係叫你見乜都沽!即係如果明日一野開21200, 你去沽,之後彈上21500 輸300 點,就唔好黎揾我咁解。

不過,今次出通勝指數只係玩下,參考價值唔大,因為明日升跌係大戶話晒事。明日其實好簡單,大戶一係守實21600, 一係扮守又插穿,一係完全唔守。

Facebook fanpage:https://www.facebook.com/supernonamesword

2

無名劍形勢速遞 – 20161129 之 反反覆覆吊吊揈!

【達人專欄】無名劍

無名話尋日話早市留意1000 前有冇急回,可能係中或尾段好D, 結果係一開先上22796後五分鐘內破底,之後又中段高D, 但全日黎講無尋日咁有力,同尋日講天劍分幾截係無力嘅表現,但今週係咪大插呢?劍仔又話未喎,形勢維持向上,但力度已兩個向下,七劍在前日做左個高位,所以回少少比較合理,但形勢未轉向下都係中線升勢未完,即係今週可能係反反覆覆吊吊揈!直到下星期先做大龍鳳!

人懶寫短D, 唔洗你地睇咁多廢話,你話無名係咪好照顧讀者感受呢?(∩_∩)

Facebook fanpage:https://www.facebook.com/supernonamesword

無名劍形勢速遞 – 20161128 之天劍出鞘悶到爆!

【達人專欄】無名劍

無名呢排真係好懶,同以前日睇夜睇食飯睇訓緊睇訓前睇訓醒睇是完全兩個人,日頭只會在豬腦叫我先睇,豬腦真係會自己叫無名睇市咖,開市時會叫,突變時都有時會叫咖。現在無名一訓就自動變死豬,寫野諗完都懶寫!

尋日話劍仔唔同意嘅一篇新聞,睇返先知裏面講野果個係植耀輝,呢個人無名係識咖,佢都係在新城講野,係非常有料嘅知識形加分析形,佢D 野無名都有聽,係非常之正,有時間大家要聽下,劍仔唔同意係劍仔形勢向上幾日,正常係唔止23000, 但係咪好多呢?又唔係,23200都好叻,所以佢話2200 – 23000 都唔係錯,因為都係要掉頭落返黎。

上星期話天出鞘,結果係真係升,講"及早離場"後個市最低22114, 到尋日彈上22964, 同無名比嘅位22974 差10 點, 前後有800 幾點,但衰在分開黎,中間重有兩日回,正常係兩日攪掂,簡直悶爆!所以個市其實唔太有力,根本上同天劍嘅數學邏輯唔吻合,黎緊都係要小心,特別係大雪之前,好似12月4 係乜公投(sorry 無名讀得書少無睇新聞), 12月5 深肛通,應該好波動,而無名之講過九萬幾次嘅"唔係睇你準唔準,係睇你膽量同定力"係繼續啱用,其實大家用下個豬腦諗諗睇返講時個市幾多,尋日幾多,重有無名有幾何咁講就會明白道理係幾咁簡單。

facebook fanpage:https://www.facebook.com/supernonamesword

無名劍形勢速遞 – 20161123 之天劍出鞘升升升!

【達人專欄】無名劍

尋晚問大家想唔想要,點知大家都咁鬼大需求,就話你知啦!大市其實真係好難。。。好難。。。好難。。。唔升!除左兩個因素可以令佢插,一個係大輸!但佢呢排好勁!第二係無名果句"遇雪添衣", 但睇返小雪之後,基本上都係一路升,小雪當日添衣又真係有得執喎,都算係遇雪添衣啦!但黎緊係咪唔會回呢?又當然唔係啦,不過只要守22000 都係有得上,同埋未似咁快!所以夠薑都係繼續見低買!大震蕩遲則要12月初,回調最快星期五。

都係果句,呢個市唔係睇準唔準,係睇膽量同定力!下兩個位 22888, 22974.

重有萬劍歸宗已進入最後階段,黎緊全球油金股滙都會前所未有咁好玩!

Facebook fanpage:https://www.facebook.com/supernonamesword

無名劍形勢速遞 – 20161122 之 天劍出鞘中中中!

【達人專欄】無名劍

今日其實無乜好寫,一個字。。。中!點解咁吋?止無他,吋人啫,無名為人其實好謙虛咖!如果唔係吋友吋無名,無名都唔會講明方向啦!其實有好多人要多謝呢位"衛道"之屎! 今朝唯一疑問就係開市頭30分鐘咪可以沖脫無名講嘅回調位,點知佢又真係得喎,所以之後叫22500 唔破唔好淡。

今日升到22719, 有網友提無名同五隻鴨仔差唔多有500, 又係喎,若由星期四話 : 天劍出鞘,及早離場計,第日星期五低位22146, 已經過左500, 無名尋日都有講可以唔係一日黎晒,不過無名都係第一次見咁樣嘅天劍啫。

而今日劍仔系統再轉好左,尋日講左形勢在負數近零邊沿,今日升跌好重要,結果形勢今日轉向上,係多日黎第一次,表示中線形勢向好,係咪可以維持就睇22222/22500 守唔守,22500 守則彈,在22222 – 22500則爭持,近22222 太耐則小心!

下個問題當然係遇雪添衣啦! 今次又係咪上三次咁大鑊呢?現在睇黎大跌唔太易,正常都要升返轉先,今週正常都係高位未見,講咁多次正常,係要大家留意風險,因為上三次跌各跌1000 點,其實都唔正常,只係今次形勢同位都比上三次好,所以乎合遇雪添衣,反而係見低買嘅機會,不過又唔洗太心急,因為今次係小雪,12月7重有個大雪,時間有D 巧合,另外12月頭歐美好多大鑊野一齊黎,同劇本如有雷同。

明日可能又係有高位有回調。全條天劍應該未完,重要位 22500/22666. 下兩個位又係果兩個 22888/23000. 大戶可能會繼跟無名所講上下其手,抽水抽到盡。

Facebook fanpage:https://www.facebook.com/supernonamesword

無名劍形勢速遞 – 20161021 之 天劍出鞘遇小雪!

【達人專欄】無名劍

呢句標題正正係今日無名話天劍出鞘有可能唔止唔日,但上三次六月飛霜,重陽登高,入冬防寒都跌1000點外。叫自己諗,其實無名意思係叫人自己考慮自己情况,又話有D 錢唔係人人可以賺,亦唔係人人可以輸,目的係叫人量力而為,無名唔想講方向,因為唔想左右人決定,不過就比條契弟"舊相好"話"即係明日升跌都中", 無名最Q憎嘅D 八婆,無名講市有六年,唔通洗你教? 無名咁講係叫人自己小心諗下兩可能性,咁都要比八婆吋,無名一媽佢當然佢無得還手啦,佢又係果句例牌菜"方丈" 好心啦,無名講到明自己口才以敵百,未逢敵手,打開門口比人挑機,骷髏會同嘔象咁多人都未有一個係無名對手,呢條蛋散係邊位呀?重有,佢連方向都無講,吋乜野人,招都無出,得個吹事!講完隻死蠢!Kakaka!

講返明日,天劍遇小雪,重點係無名覺得天劍未完,即係可以唔止升一日,不過無一定要日日連升咖,但啱啱係預雪添衣,前三次都跌過千點,咁係咪要小心呢? 所以無名係叫人小心兩可能性,自己諗下點做,因為明日波輻應該比今日大,而轉折性(即變化) 可能性係全週最高,老實講真係好契弟所講明日真係兩邊都中喎,遇雪添衣在年頭講,揾到第個當佢贏囉,天劍出鞘上星期五講,今日係無天劍,但都係升喎。現在收左市無名可以講,個人偏向升,如果係高開插就重正,遇雪添衣其實係年頭講左見低買嘅機會,其實有得跌重好,因為無名都未叫過你入貨,若指數,你要自己決定,因為可以單日決生死。

劍仔今日太差,形勢雖然重係向下,但已好接近零,即係明日決定下一個方向,而領先向左上,今日大戶指數出左個平淡倉位signal ,但平淡唔等如即刻升或一定升。因為可以跌住平淡都得。其實今週都係五隻鴨仔唔破或守就彈,就係咁簡單。
呢個市都係果句 : 唔係睇你準唔準,係睇你膽量同定力!

諗下就明。

Facebook fanpage:https://www.facebook.com/supernonamesword

投資海外尋出路

【達人專欄】盧志威

周末拜讀了《明報》陸振球先生著作《海外置業王者天書》,近來由於人民幣貶值,港元又跟隨美元上升,香港樓市又因為加稅後難以投資,為了替資金找尋出路,中港兩地的投資者紛紛把眼光投向海外,球哥這本書相信可以給大家引路。

筆者這個專欄談較多美股,深明各地的股民都有本土化思想,有研究顯示即使投資者教育普及如美國,當地肯買海外股票的投資者比例偏低,香港雖貴為國際金融中心,但真金白銀投資海外股票和物業的仍屬小眾,所以此書對用家和投資界都是很好的讀物。

內地倘禁售iPhone 香港得益

美股近期表現呈分化現象,銀行和石油股成為升市動力,由於科網股跌得太多,是時候開始思考應否買貨,最大的風險因素自然是特朗普,以及中國跟會否爆發貿易戰,其中又以蘋果(AAPL)最處風眼,因為如果美國加關稅,首當其衝肯定是iPhone被內地禁售,對於以中國為大客的蘋果,將是災難性打擊。

當然如果大家認為一國兩制會維持,身為一個香港人就要想一想AAPL買唔買得過,另外中一旦爆貿易戰,到時候香港應該會再爆炒iPhone潮,因為加關稅後一定會很多人來港買水貨機,相信價錢會暴漲,這亦可能是2017年的一大驚奇。

至於其他科網龍頭,相信短期內是心理影響較多,例如Google和facebook本身就進不到大陸,所以應該影響不大,亞馬遜相對有影響,但生意額不大,所以亦不會致命。

原文載于信報

無名劍形勢速遞 – 20161117 之 天劍出鞘吊吊揈!

【達人專欄】無名劍

基本上由YH (年高) 24364 到現在個市都係吊吊揈!之前就騎呢牛,今年有半年可以叫做騎呢牛吊吊揈!尋日出左個天劍指示 : 及早離場!惹來大家諸多猜,實屬不幸!本來尋晚想出post, 但尋晚係"高手飯局"賀某人生日,返到屋企又一訓到尾,尋日所講嘅及早離場,又無講天劍方向,其實係一個困難又遺憾嘅決定,原因係大戶以吊吊揈上下chok 呃貨模式運行多時,似死唔死,似生唔生,令好多人無所適從,無名呢幾明多次講過呢個市唔見你有幾準,而係睇膽量同定力,所以比左方向好多人都係被震死,尋日講及早離場係因為天劍指數睇到黎緊波動性好强,而方向性係唔清楚,同以前好唔同,幾個市出現相反方向,不準確定性太高,所以若無名講明方向,反而可以累人,所以出呢個及早離場,炒餸為妙嘅忠告,目的係在波動市叫大家注意風險,減少不必要損失。係唔係離場同買唔買,買邊面要留比大家自己決定,因為無名雖然心中有方向,但尋晚同眾高手對盤,其實都無清楚結論,由於無名嘅蕃薯十分有質素,每當無名吹雞都積極參與,甚至大手轟入。若令人受傷則有違無名講股係為左"求股民於水火"嘅初衷,所以大家自己做好風險管理,無名講過"官兵貴勝,不貴久" 同埋"勝不在朝夕", 自己諗下點解,兩句野係無衝突咖。

另外可以講多一點,今次有可能係上下掃,呢點只有劍仙估到,好正常,因為佢同無名都係咁上下level 嘅CLS!